Me rastin e hapjes së kampionatit do të kemi kënaqësinë të kemi të ftuar Harley Davidson Group me garën e tyre në Easy Rider.

Provat zyrtare ditën e shtunë ora 16.00. Gara starton diten e dielë në orën 11.00. Regjistrimet për Supermoto pranohen ditën e shtunë dhe të dielë deri në orën 09.00.

Ju mirëpresim në këtë fundjavë të këndshme.

Qoftë për ju një vit i mbarë 2013′ta që po vjen, një vit me shpëndet të mirë, me suksese në çdo iniciativë, me motorra të rinj dhe rrugë të gjata me shoqëri e serbatorë përplotë…
…por më shumë se të gjitha këto, Krishti Jezus u zmadhoftë në zemrat tona, ndërsa ne zvogëlohemi në vetvete!
ZOTI JEZUS NDRIÇOFTË RRUGËN BRENDA JUSH
NË 2013 ÇDO DITË!
<><

youtube to mp3

Për të gjetur Motorbarin e Ilirianëve në Tiranë mund ta shikoni në këtë hartë:

Provat e lira dhe regjistrimet do të bëhen ditën e shtunë, datë 22 Dhjetor. Gara starton në orën 12:00, ditën e dielë.

Adresa e Kartodrom 3

Për info të mëtejme dhe kontakt klikoni në Eventin Zyrtar të Motocross Tirana në Facebook.

GËZUAR KRISHTLINDJEN DHE VITIN E RI 2013!

Dhe ky është në fakt edhe përkufizimi i shpirtit të një motoristi të vërtetë:

Me motorin që kam mund të bëj gjithçka, mund të fluturoj kudo që më çon serbatori i mbushur me karburant, mund të rend derisa ngrysja e fuqive të mia t’më zërë në lodhje… Që të nesërmen t’i përvishem timonit të motorit për rrugë prap me veten apo me grupin.

Motoristi i vërtetë s’ka frikë se i prishet motoçikleta në mes të një rruge të gjatë apo nëse kokëkrisur pas motokrosit, t’i hipi prapë motorit pasi kockat i janë ngjitur nga thyerja në rrëzimin në shtigjet e kodrës.

MUND TË BËJ GJITHÇKA ME MOTOÇIKLETËN TIME!…
Sidomos për këtë 100 vjetor të pavarësisë së Shqipërisë…

Për sa rendim në botën me rrugë, me motora dhe ditë në kalendar, është gjithashtu edhe një botë e fshehur por më superiore që mishërohet në frymën në besim në Zotin dhe Shpëtimtarin Jezus. Në fakt duke ndarë një varg nga Fjala me vëllezërit motorist e mijë në besimin në Perëndinë, është një thënie e ngjashme e shprehur nga Pali në letrën për Filipianët 4:13

“Unë mund të bëj gjithçka me anë të Krishtit që më forcon.”

Dhe ai e tha me plotë gojë e kraharor se ishte në gjendje të bënte gjithçka nëpërmjet besimit që kishte në Krishtin. Tani imagjinojmë motoristin që i ka hipur motokrosit të fuqishëm dhe ka për borxh të kapërcejë jo vetëm kodrën por edhe malin me besimin sa një farë sinapi. Apo atë me motor të shtrirë që palos kthesat e Kërrabës nga Tirana n’Elbasan për 20 minuta. Pse jo edhe atë harlistin që s’i pushojnë rruga dhe shkreptimat e marmitave pa i dhëmbur aspak kurrizi, të gjitha nga besimi i tij në Zotin. Ngjan sikur Pali këtë po thoshte në letrën e tij, që mund të bëhemi super të suksesshëm apo heronj me anë të Krishtit. Nuk është plotësisht kështu kuptimi i fjalës në letrën e tij.

Duke dëshiruar të ndaj me vëllezërit e mi në besim e në pasion gëzimin për 100 vjetorin e pavarësisë së trojeve tona, më duhet që me një gur të vras jo dy por tre zogj pa e humbur shenjën (u keqkuptuar). Jemi duke festuar 100 vjetorin e shtetit shqiptar pa trojet e saj në jug, Çamërinë dhe arvanitasit, dhe pjesërisht me trojet e saj lindore dhe veriore. Por ndërsa disa degë duken të thara, degët e tjera po forcohen fort rreth trungut Shqipëri aq sa të fillojnë edhe shërimin e atyre të thara. Dhe motoristët shqiptar që valëvisin sot flamujt dhe emblemat shqiptar në kurriz, patjetër që impaktin e tyre e bëjnë sot në shqiptari por edhe në të ardhmen e kombit tonë. Roli i motoristëve shqiptar është më i rëndësishëm sesa kuptohet.

Por ky mesazh bazuar në shprehjen e Palit i drejtohet më së shumti vëllezërve të mijë që në këtë kohë feste përjetojnë vështirësi nga ekonomia e dobët, ose mos pasja e motorit për të lëvizur, apo të rrëzuar ose motori i është vjedhur. Merrni zemër sepse Fryma e Zotit tonë foli liri nëpërmjet Palit kur ai ishte i prangosur në burg. Merrni forcë dhe gëzoni sot vëllezër e motra sepse Hiri dhe bekimi nga Zoti, që është mundësuesi i gjithçkaje mbi faqen e dheut, është më i madh për ata që janë në vështirësi dhe pikëllim. Në ditët e ngushticës është edhe testi i besimit tonë n’Atë lartë në qiell të cilit i përket e gjithë Lavdia. Në prangat e kësaj bote, sikur trojet e pakthyera të Shqipërisë, Pali foli për lirinë e pakufitë në Krishtin. Se edhe në urinë e trupit dhe mospasjen e pasurisë ai “Mund të bënte gjithçka me anë të Shpëtimtarit Krisht që e forcon.” Jezusi erdhi më parë për më të dobëtit, më parë për më të copëtuarit, më parë për më të uriturit në stomak dhe frymë. Në motoristët nevojtar dhe në Shqipërinë e copëtuar materializohet fuqia shpëtuese e Zotit, si çlirimi i Kosovës nga shqiponjat e qiellit (avionët e NATO’s) që erdhën kur shqiptarët s’besonin më as në autonomi, jo më në pavarësi të krahinës së Kosovës nga Serbia.

Zoti ka plane jo vetëm për ne nevojtarët, për ne motoristët, por për të gjithë kombin tonë, siç thotë profetishëm refreni i himnit tonë

“se Zoti e tha vetë me gojë, kombet shuhen përmbi dhe por Shqipëria…”

Mund të gjejmë shpresë për t’ardhmen, qetësi në shpirt dhe liri më shumë se në motor në agimin rrezatues të këtij 100 vjetori ringjalljeje të kombit tonë Shqipëri nëse në kraharorin e shpirtit tonë digjet fryma e Jezus Krishtit…

Që lavdia i përket në jetë të jetëve.

N’emrin e Tij u bekofshi motra e vëllezër motoristë!

Drini.

Për të bërë rrugën për në Motorbarin e Ilirianëve mbaj mend se gjendet në këtë adresë:

Zoti i bekoftë të gjithë kalorësit Shqiptar me harley dhe çdo motor!
<><

Çunat e Albanian Motors nga Vlora kanë publikuar edhe të gjithë programin dhe itinerarin e këtij aktiviteti në faqen e tyre zyrtare në internet dhe gjithashtu në Facebook. Vizitoni faqen e tyre në internet:

http://albanianmotors.net/parada-ne-vlore/

Për çdo información të mëtejshëm dhe për kontaktin në Facebook klikoni këtu.

Zoti i Bekoftë të gjithë Shqiptarët!

këtë të Shtunë datë 17 Nëntor në City Park Tirana

Gara për Makina e para starton në ora 11:30 e dyta 13:30

Gara me Supermoto e para starton në ora 12:30 dhe e dyta 14:30

Regjistrimi dhe Provat e lira bëhen ditën e Premte dt 16 Nëntor nga ora 12:00 deri në orën 16:00. Regjistrimet kushtojnë për Supermotot 2.000 lek dhe për Makinat 3.000 lek. Makinat që marrim pjesë duhet të jenë me diferencial përpara.

Për çdo info të nevojshme dhe për rigjestrimin mund të na shkruani në Eventin zyrtar në Facebook të Motocross Tirana këtu.

JU MIRËPRESIM!

GËZUAR 100 VJETORIN E PAVARËSINË

ZOTI I BEKOFTË TË GJITHË MOTORISTËT DHE SHQIPTARËT!

Nga një grup i vogël prej shtatë të apasionuarve pas motorëve Harley, të cilët përveshën mëngët dhe çelën motorbarin e parë për motoristë në Shqipëri në Rrugën Vaso Pasha tek blloku në Tiranë, sot Steelwings M.C.

ka shtrirë krahët e saj të hekurta në të gjitha trevat shqiptare. Me mbi 80 anëtarë në degët e saj në Tiranë, Durrës, Vlorë, Tetovë, Gjakovë dhe në perspektivë në Shkodër, Elbasan, etj Steelwings sot është motorklubi më i madh i harlistëve shqiptarë.

Stafi i Motoditarit dhe Kishës së Motoristëve me këtë rast i kushton videoklipin e më poshtëm në shenjë respekti, vllazërie dhe falemnderimi për kontributin që Steelwings M.C. i ka dhënë këto vite të gjithë komunitetit të motoristëve Shqiptarë.

ZOTI E BEKOFTË RRUGËN STEELWINGS NË PËRJETËSI!
<><

Shtegu për garim është 8 km i gjatë për një xhiro, kurse çdo kategorie do t’i mundësohen 5 xhiro rreth shtegut, të cilat do të garojnë veç e veç pas njëra-tjetrës. Kategoritë që garojnë janë:
E1 125 2t 250 4t,
E2 250 2t 400 4t,
E3 300 2t, 
E4 450 4t, etj…
Për çdo info të mëtejshme mund të lajmëroheni në Faqen tonë zyrtare në Facebook duke çukitur KËTU
Ju mirëpresim dhe Zoti i mbroftë të gjithë garuesit!